Днямі ў Брэсце адбыўся чарговы музейны форум. У ім удзельнічала больш чым сто музеяў розных накірункаў дзейнасці з Беларусі. У гэтым прэстыжным мерапрыемстве ў чарговы раз прыняў удзел і наш Ваенна-гістарычны музей імя Дз. Удовікава.

Галоўная тэма форума - «Музей: навука, інавацыі, камунікацыі». Але галоўная мэта заключалась у падтрымцы музейнай справы ў Рэспубліцы Беларусь, стымуляванні творчых ініцыятыў, заахвочванне музейных работнікаў, якія ўнеслі значны ўклад у вывучэнне, захаванне і папулярызацыю культурных каштоўнасцей, прыцягненне ўвагі шырокіх колаў грамадзкасці да шматграннасці музейнай дзейнасці.

Цікавай была і структура форуму, якая складалась з наступных накірункаў:

1. Асноўная экспазіцыя форума ўключала тое, што кожны удзельнік ў яркай і арыгінальнай форме прадстаўляў свае калекцыі, новыя культурна-адукацыйныя і экспазіцыйна-выставачныя праекты, дэманстраваў новыя формы працы і прымяненне новых тэхналогій ў працы з наведвальнікамі і турыстамі.

2. Дзелавая праграма форума пабудавана была ў форме выступленняў музейных спецыялістаў з актуальнымі даследваннямі па галоўных накірунках музейнай дзейнасці і іх абмеркаванне з вядучымі экспертамі.

3. Дэманстрацыйная праграма была пабудавана у выглядзе дэманстрацыі інтэрактыўных, тэатралізаваных прадстаўленняў удзельнікамі сваіх праектаў і выступлення творчых калектываў.

Наш Ваенна-гістарычны музей ім. Дз. Удовікава прадстаўляў фотавыставу «Не страляйце ў партызан…», і інтэрактыўны праект «Школа будучага камандзіра».

У падрыхтоўцы і выканані праекта удзельнічалі: дырэктар музея Сяргей Гранік, галоўны захавальнік фондаў музея Максім Родзька, а таксама валанцёры – кіраўнік ваенна-патрыятычнага клуба “Перасвет” Цімафей Клімчук, яго памочнік Вячаслаў Данілюк, кіраўнік выдавецтва «Паляшук» Уладзімір Зінько і прыватны каллекцыянер-нумізмат Андрэй Бусень.

Наведвальнікам спадабалася тое, што мы паказалі. Каля нашай экспазіцыі было шмат гасцей і асабліва моладзі. У гэтым можна пераканацца пабачыўшы фота.

Сяргей Крушына