Падзеі першай паловы снежня 
Военно-исторический музей
им. Дмитрия Карповича Удовикова

Падзеі першай паловы снежня

Автор: Сяргей Крушына
Дата: 2016-12-20
Просмотров: 942

1. З павагай да мінулага

У сярэдзіне снежня пенсіянеры-выхадцы з вёскі Сіманавічы наведалі наш Ваенна-гістарычны музей імя Дз. Удовікава і здзейснілі цікавае падарожжа па родным мясцінам.

У якасці гіда-экскурсавода для гасцей як заўсёды быў дырэктар музея Сяргей Гранік. Пазнаёміўшыся з экспазіцыяй і абмеркаваўшы некаторыя пытанні, краязнаўцы рушылі ў напрамку вёскі Гутава, дзе іх чакалі на прэзентацыі праекта праграммы “Месца сустрэчы: дыялог”, які фінансуе германскі фонд “Памяць, адказнасць, будучыня”. Арганізатарам праграммы ў Беларусі з’яўляецца Міжнароднае грамадскае аб’яднанне “Ўзаемапаразуменне”. Аўтарамі і выканаўцамі праекта з’яўляюцца грамадскае аб’яднанне аматараў мастацтваў рэгіёну “Белавежская пушча” і Брэстчыны “Тур”.

Па ходу руху группа наведала Ліпнікаўскую сярэднюю школу, дзе ім Сяргей Гранік распавёў пра гісторыю прысваення навучальнай установе імя Мікалая Папова – камандзіра партызанскага атрада імя М. Шыша, а пасля вайны дырэктара гэтай школы.

Наступным прыпынкам быў помнік на месцы боя 25 чэрвеня 1941г. воінаў Чырвонай Арміі ля вёскі Заплессе. Сапраўды, тут за адзін дзень загінула амаль столькі ж байцоў і камандзіраў, як пры абароне Брэсцкай крэпасці. Некаторыя падрабязнасці тых жудасных падзей і даведаліся госці ад Сяргея Граніка.

Не менш цікавы аб’ект наведалі краязнаўцы ў вёсцы Агдэмер. Гэтым аб’ектам былі вайсковыя могілкі Першай сусветнай вайны. У наш час іх добраўпарадкавалі мясцовыя жыхары, і нават нягледзячы на тое, што прайшло шмат часу з моманту іх стварэння, можна прачытаць надпісы на бетонных мураваных плітах.

Пасля канферэнцыі краязнаўцы наведалі курганны магільнік, які знаходзіцца на захад ад в. Ласінцы, у лесе ля старога Загародскага гасцінца. Справа у тым, што гэты археалагічны аб’ект чакае даследчыкаў, і пакуль яго няма ў ліку помнікаў археалогіі. Але ўжо зараз можна зрабіць выснову, што гэтыя добра захаваныя курганы дахрысціянскіх часоў перыяда Кіеўскай Русі.

У падарожжы, якое для сталых людзей арганізаваў Сяргей Гранік, удзельнічалі: Сяргей Літвінка, Дзмітрый Губарэвіч і Надзея Шталь. Галоўнае, што гэтыя пенсіянеры з павагай адносяцца да мінулага роднага краю.


2. Падарожжа ў казку

Падарожжа ў казку здзейснілі днямі вучні 3-га класса СШ №1 г. Драгічына, дзе настаўніцай працуе Людміла Волас.

Па прыездзе ў Белавежскую пушчу драгічынцаў ўразіла колькасць жадаючых наведаць рэзідэнцыю беларускага Дзеда Мароза. Але ўсё атрымалася як трэба, і юныя падарожнікі наведалі Музей прыроды і рэзідэнцыю Дзеда Мароза, як і было запланавана.

Шмат цікавага даведаліся ў той дзень дзеці аб гісторыі і прыродзе роднага краю, але, перш за ўсё, ім пашчасціла сустрэцца і сфатаграфавацца на памяць з Дзедам Марозам і Снягуркай.

Незвычайным, мабыць, для дзяцей было тое, што ў госці да Дзеда Мароза і Снягуркі яны трапілі, калі на пушчу апусцілася цемра, і ў лесе заззялі сотні каляровых агеньчыкаў і гірлянд. Гэта яшчэ больш уразіла вучняў 3-га класа – для якіх гэта было сапраўднай казкай.

Атрымаўшы падарунак і пачаставаўшыся блінамі з мёдам і варэннем дзяўчынкі і хлопчыкі, стомленныя, але задаволеныя, рушылі назад у Драгічын.


3. Музейна-педагагічны марафон

У першыню наш Ваенна-гістарычны музей імя Дз. Удовікава наведаў базавую школу ў в. Заверша. Там дырэктар музея Сяргей Гранік разам з Цімафеем Клімчуком правялі музейна-педагагічны занятак “Падарожжа ў мінулае з дапамогай музейнага чамаданчыка”.

Пачалося мерапрыемства з выступленне былога дырэктара гэтай школы і старшыні пярвічнай ветэранскай арганізацыі Марыі Мінзер. У сваім выступе яна распавяла пра валанцёрскі рух, які аб’яднаў ветэранаў і вучняў з благароднай мэтай дапамогі старым і нямоглым. Марыя Іванаўна ўручыла лепшым валанцёрам падзякі і пажадала плёну ў працы.

Далей Сяргей Уладзіміравіч паказваў дзецям экспанаты і распавядаў іх цікавую гісторыю. Усяго гэтым разам было паказана 45 артэфактаў з фондаў музея.

Працягнуў занятак настаўнік гэтай школы Цімафей Клімчук, які паказаў для школьнікаў макет АК 47 і кавалерыйскую шаблю.

На прыканцы мерапрыемства дзеці атрымалі магчымасць патрымаць экспанаты у руках і сфатаграфавацца на памяць.

Комментарии к статье

Нина Ивановна, 2016-12-20

Хорошо,что есть люди влюблённые в Беларусь!

Оставить комментарий

Последние новости

Музейны ўрок у аздараўленчым лагеры
Добрыя адносіны склаліся ў нашага Ваенна-гістарычнага музея ім. Д. Удовікава і тымі школьнікамі і педагогамі, што адпачываюць і працуюць у дзіцячым летнім аздараўленчым лагеры “Вінч”, які размешчаны у жывапісным кутку Драгічыншчыны недалёка ад вёскі Ляжыткавічы.
«Так давно – так недавно»
В ходе операции «БАГРАТИОН» 74 года назад в ночь с 16 на 17 июля 1944 г. наш город был освобожден от немецких оккупантов батальонами 669-го стрелкового полка 212-й Краснознамённой орденов Кутузова и Суворова стрелковой дивизией 61-й Армией 1-го Белорусского фронта. Пролетели десятилетия, земля скрыла шрамы войны, следы оккупанта и освободителя,кажется давние события,а как посмотришь на живых ветеранов, понимаешь, что это было и не так давно, тем более для истории, это совсем недавно.
Одиссея «Солнышка»
Жаркими июльскими днями два отряда из пришкольного лагеря «Солнышко» на базе средней школы №1 г. Дрогичина отправились в познавательно-увлекательное путешествие, маленькое турне по своему району. Поездка «Солнышка» осуществлялась под опекой своих воспитателей, совместно с военно-историческим музеем города.
Новае падарожжа “Перасвета”
22 чэрвеня штогод у Беларусі адзначаецца як Дзень памяці і жалобы. У рамках гэтай даты падлеткавы ваенна-патрыятычны клуб “Перасвет”, якім кіруе Цімафей Клімчук, разам з нашым Ваенна-гістарычным музеем імя Удовікава ажыццявілі паход хлопцаў па месцах былых баёў для ушанавання памяці тых, хто загінуў на драгічыншчыне у першыя дні Вялікай Айчыннай вайны.
В гостях у отдыхающих
Летние каникулы для детей это время активного отдыха. Большую помощь педагогам школьных оздоровительных лагерей в этом плане оказывает Военно-исторический музей им. Д. Удовикова и подростковый военно-патриотический клуб «Пересвет». На этот раз совместно музей и клуб решили побывать в гостях в детских оздоровительных лагерях «Винч» и «Полесские робинзоны». Хорошо, что они находятся на одной территории.

Военно-исторический музей
им. Д.К. Удовикова

Адрес: г. Дрогичин, ул. Ленина, д. 163, Республика Беларусь, Брестская обл.

Время работы: 8:00-13:00, 14:00-17:00, без выходных

Телефон: (801644) 3 14 22

Цена билета: Для учащихся, военнослужащих и приравненных к ним лицам - 40 коп. Для остальных категорий населения - 60 коп.

Цена экскурсии: Для учащихся, военнослужащих и приравненных к ним лицам - 4 руб. Для остальных категорий населения - 5 руб.

E-mail: dwhm@tut.by
Группа музея в vk.com

Архив новостей

Полезные ссылки