Родны край не забывай! 
Военно-исторический музей
им. Дмитрия Карповича Удовикова

Родны край не забывай!

Автор: Сяргей Крушына
Дата: 2013-09-13
Просмотров: 945

Вялікае значэнне краязнаўчай рабоце надаецца ў Імянінскай сярэдняй школе. Не паспеў пачацца новы навучальны год, як адзінаццацікласнікі вырашылі здейсніць падарожжа па месцах, звязанных з аб’ектамі “Дугі Струве”, размешчаных у в. Белін нашага раёна.

Настаўнікі школы Натальля Гірш і Тамара Цынкус распрацавалі план і маршрут. На гэты раз яны вырашылі, што падарожжа будзе часткова аўтобусам, але ў асноўным пешшу. Вучні ўспрынялі прапанову з задавальненнем, тым больш што надвор’е ў гэтыя першыя дні восені стаяла летняе.

Першым прыпрынкам падарожнікаў на маршруце стаў Ваенна-гістарычны музей ім. Удовікава, дзе старшакласнікаў азнаёмілі з гісторыяй нашага палескага рэгіёну.

У гэты ж дзень, прыбыўшы у в. Белін, вырашана была прайсці па экалагічна-краязнаўчай сцежцы і агледзіць наваколле Днепроўска-Бугскага каналу. Імянінцы наведалі ўсыпальніцу, дзе знайшоў свой прытулак апошні гаспадар палаца і маёнтка знакаміты золаташукальнік Мазур.

Бадай самым адметным было знаёмства з “Цар-дубам”, які мае узрост каля 500 гадоў. Узяўшыся за рукі дзеці яго абмерылі і прыйшлі да высновы, што гэта самае старое і вялікае дрэва ў нашым раёне. І на самой справе гэты дуб з’яўляецца сведкай шматлікіх падзей, якія адбыліся за апошнія стагоддзі ў Беліне.

Вечар бавілі каля вогнішча, вакол якога нават харавод вадзілі.

На наступны дзень дырэктар Белінскай школы Міхаіл Крывецкі правёў экскурсію ў нядаўна адчынены музей “Дугі Струве” . Ён прысутным рассказаў пра аб’ект сусветнага значэння і тое, як у першай палове ХІХ ст. рассійскія навукоўцы-тапографы вялі работы па вымярэнні дугі мерыдыяна. Гэта складаная праца працягвалася каля 50 гадоў, і нават сёння яна ўражвае дакладнасцю вымярэння.

Далей мясцовы краязнавец Пятро Падлужны ўжо на мясцовасці паказаў аб’екты “Дугі Струве” – трыангуляцыйны пункт і месца, дзе стаяла абсерваторыя.

Вялікую цікавасць вызвала ў падарожнікаў і паромная пераправа цераз Дняпроўска-Бугскі канал, які таксама з’яўляецца адным з турыстычных брэндаў Драгічыншчыны.

Пасля знаёмства са славутасцямі Беліна імянінцаў чакала экскурсія на адну з самых сучасных ферм СВК “Асавецкі”, якую правёў для сваіх аднавяскоўцаў асабіста старшыня кааператыва Станіслаў Цынкус. Галоўнай мэтай гэтай экскурсіі была прафесійная арыентацыя выпускнікоў. І Станіслаў Іосіфавіч гэта цудоўна зрабіў, паказаўшы на прыкладзе сваёй гаспадаркі, што моладзі і на сяле можна працаваць і зарабляць.

Пабывалі навучэнцы яшчэ і на Ляхавічскім гідравузле, і у Людвінова, дзе з 1858-1864 гг. жыла вядомая польская пісьменніца Эліза Ажашка.

Вось так незвычайна ў імянінскіх выпускнікоў пачаўся апошні навучальны год. Думаю, што такія падарожжы маюць вялікае значэнне ў развіцці кругагляду і ведаў вучняў, знаёмяць іх з мінулым і сучасным роднага краю. А навучэнцаў і настаўнікаў іншых школ Драгічыншчыны мы таксама запрашаем у гэта цікавае падарожжа па Прыднепрабужжу.

Комментарии к статье

К данной статье еще никто не оставил свой комментарий. Ваш комментарий может стать первым!

Оставить комментарий

Последние новости

Летнія прыгоды ветэранаў у Пінску
Лета безумоўна з’являецца часам падарожжаў для усіх катэгорый насельніцтва. Не выключэнне і актыў Драгічынскай ветэранскай арганізацыі, якой кіруе Святлана Магілянчык. Традыцыйнымі для яе актывістаў сталі летнія падарожжы па роднаму краю.
В гости к гвардейцам-десантникам
Традиционно в начале июня месяца в школах района проходят сборы допризывной молодёжи. К этой категории относятся те ребята, кто окончил 10 классов. Организовывал посещение 38-й гвардейской, Краснознамённой Венской мобильной бригады в Бресте директор Военно-исторического музея им. Д. Удовикова подполковник запаса Сергей Граник.
С «Пересветом» хоть на край света!
Своеобразно новый туристический сезон открыл подростковый военно-патриотический клуб «Пересвет», которым руководит Тимофей Климчук. Совместно с директором Военно-исторического музея им. Д. Удовикова Сергеем Граником был разработан маршрут связанный с легендарными событиями периода ВОВ – обороной партизанскими отрядами Днепровско-Бугского канала в феврале-марте 1944г.
Дорогами славы воинов-пограничников
Традиционно в канун Дня Пограничника (28 мая) вдоль Южной границы РБ проходит мотопробег-эстафета с участием ветеранов пограничной службы, тех, кто служит на границе и представителей общественности. На этот раз участники данного мероприятия находились на территории нашего района два дня. Прошли мероприятия по возложению венков к памятникам, где похоронены воины-пограничники в д. Гаравица, урочище Теребун (д. Малиновка) и в г. Дрогичине.
Майские экскурсии
В мае месяце традиционно стартует летний туристический сезон. Немаловажную роль в организации поездок для школьников играет наш Военно-исторический музей им. Д. Удовикова.

Военно-исторический музей
им. Д.К. Удовикова

Адрес: г. Дрогичин, ул. Ленина, д. 163, Республика Беларусь, Брестская обл.

Время работы: 8:00-13:00, 14:00-17:00, без выходных

Телефон: (801644) 3 14 22

Цена билета: Для учащихся, военнослужащих и приравненных к ним лицам - 40 коп. Для остальных категорий населения - 60 коп.

Цена экскурсии: Для учащихся, военнослужащих и приравненных к ним лицам - 4 руб. Для остальных категорий населения - 5 руб.

E-mail: dwhm@tut.by
Группа музея в vk.com

Архив новостей

Полезные ссылки